English | Te reo
1. E tūtohu ana koe kei te mōhio koe, e whakapae ana rānei koe kei te hē ngā mahi
He maha ngā tikanga e taea ai e koe te tuari i ō māharahara. Ka taea e koe te whakaoti tā mātau puka tuihono, me waea mai, me īmēra, me tuku reta mai rānei. Ka tonoa koe kia tukuna mai te kōrero whānui o te hē e māharahara ana koe, tae atu ki:
- te pēke whai wāhi
- te wā, te wāhi me te roa e pā mai ana tēnei hē
- ko wai te hunga whai pānga
- ko te wai te hunga kei te mōhio pea, i kite pea rānei
- he aha te pānga
- ki ōu whakaaro, kua takahia he ture, he kaupapahere, he tikanga whanonga rānei.
Me whakauru mai ngā tuhinga hāngai pērā i ngā patowaea, īmēra rānei. Me kōrero mai mō ētahi atu ara i whāia e koe ki te pūrongo i te hē, ā, mēnā i oti he mahi i tēnei. Me whakaū anō e koe kei te pono ngā kōrero kua tukuna mai e koe.
2. Ka tuhia e mātau he pūrongo
Ka tukuna e mātau he pūrongo kirimuna, arā, kei a koe te tikanga mēnā kāore koe i te hiahia ki te whakamōhio mai ko wai koe. Ka taea rānei e koe te kōrero noa mai ki a mātau me te tono kia kaua e whakaatu atu ki te pēke ko wai koe. Ka manaakitia e mātau tō whakatau me te whakarite e mārama ana he aha ngā mōhiohio e hiahia ana koe kia tuaritia me ērā kia kaua e tuaritia.
Mēnā e hiahia ana koe kia whakapā atu mātau ki a koe, ka whakautu mātau i roto i te rā mahi kotahi. Ka puta pea i a mātau ētahi pātai kia mārama ake ai mātau ki ō māharahara, engari kei a koe te tikanga mēnā ka whakautua e koe.
Ka arotakehia e mātau ngā mōhiohio kua kohia e mātau mai i a koe, ā, ka tuhia e mātau he pūrongo e whakarārangi ana i ngā mea e hiahia ana koe kia tuaritia e mātau.
3. Ka tukuna e mātau tā mātua pūrongo ki te pēke
Ka tukuna e mātau tā mātau pūrongo ki te whakapā kaiwhakaatu kei tō pēke. He kaimahi matua tēnei kei a ia te mahi ki te arotake i ngā māharahara whakaatu hē.
4. Ka arotakahia e te pēke, ā, ka tūhura pea
Ka arotakehia e te pēke ō māharahara, ā, ka whakatau me aha, mēnā ka whāia te take, kāore rānei. I te nuinga o te wā ka tūhuratia e te pēke, engari tērā pea kāore e tūhuratia mēnā kua whiriwhiria kētia e rātau te take i mua, he iti rawa rānei ngā mōhiohio. Ko tā mātau e tūmanako ana kia wawe tonu te arotake a te pēke me te kī mai mēnā ka tūhuratia e rātau.
I te wā e tūhuratia ana, me mātua tuku whakamārama mai ngā pēke i ia marama. Ka tukuna atu e mātau te matū o ēnei whakamārama – ngā kōrero whānui.
5. Ka tuku pātai atu anō pea mātau
Ka rapu taipitopito anō pea te pēke mō ngā āhuatanga o ō māharahara. Ka tukuna atu e mātau ngā pātai a te pēke ki a koe mā tō ara whakapā e hiahia ana koe. Ehara i te mea me whakautu e koe ngā pātai whai ake.
6. Ka tau i te pēke he korerō
Mēnā ka tūhuratia e te pēke, me mātua whakamōhio mai rātau he aha te whakataunga o te tūhuratanga – mēnā i whakaaetia, i whakahētia, he iti rawa rānei ngā whakaaturanga hei whakatau. Me mātua tuku mai anō he pūrongo e whakamārama ana i te whakataunga, he matatapu tēnei.
Mēnā i tono koe kia mātau kia whakawhitiwhiti me koe, ka whakamōhiotia atu koe e mātau mō te whakataunga. Ka tuku wāhanga anō mātau ki te pēke ki te urupare tika atu ki a koe mā te reta mēnā ka hiahia rātau, ā, ka tukuna atu ki a koe.